't Benul bi-j eulifaanten wördt eziene as ienene van 't heugsten bi-j dieren. Met 'n massa van 5 kg bint de harsens van eulifaanten groter as van elk aander laanddier. De harsens van de grootsten walvissn bint krap-an tweeë moal zwaoader as van eulifaanten, terwel heur liefzwoarte 20 moal heuger kan liggen.
'n Slim antal van de tiepiese gedragspatronen van eulifaanten wiest op benul zo groot as van walvissen en primaten: verdriet um 'n doden, leren, zörgen veur aanderluu's jonk, noaspöllen, kunst, spöllen, humor, noaberdunkt, 't gebruuk van warktugen, metlieden, zölfbenulwèèn, geheugen en mooglik taal.